Sakega leta na sedamnajsti jenara na Zvonećoj zatuli rog i zazvone zvonci. Odonda pa se do Pusne sredi po nedejah pohajaju zvončari. Sen je to lepo samo je njin teško hodit zvoneć kilometri i kilometri. Ma sejeno oni su ponosni na svoji običaji i imaju forcu se to zdurat. Najlepše je čut zvonci z dugega, pa ti se telo napuni znekun teplinun, ča ćeš potle celega leta opet videt zvončari. Najprej zagledan maj i muzikanti ki sopu vesele pusne pjesmi. Zad njih je komać ono najlepše. Okol trejset zvončari zvoni i riva se jedan va drugega. Klobuki od rožic i šparug zgjedaju kod proljetne ravnice i stožišća. Zato judi govore da oni najavjuju mlado leto. Zvonci su dosta teški pa se ogrnu z ovčjun kožun. Okol vrata imaju žejanski facoli ki su črjeni, a moru bit i zeleni i črni. Oni obahajaju okolna mesta, a neki put gredu se pokazat va Opatiju. Mane se to jako prijaža i drago mi je da se ti običaji poštuju i danas.

NEVEN VARLJEN, rođ. 1985., VI.a raz.
OŠ "Drago Gervais" Brešca