Ovo je štorija o barba Franu i teti Ruži ki su bili naši susedi. I kako bi rekla moja nona "Bog ih pomiluj" već su puno let pokojni.
Kad bi bili lipi dani, barba Fran bi se rano stal, sel pred kuću, popil kafe i popušil ki cigaret. To jutro Ruža je šla va butigu kupit kruh i novinu. Usput je pročitala da je poskupela struja. To ju je jako najadilo aš je bila fanj škrta i škrbna, vavik
je pazila na svaki dinar.Kad je došla doma i videla Frana kako blaženo sidi i puši, z sega glasa je zavapila:
"Frane, ti prokljeto bilo! Si te vrazi zeli! Struja j' poskupeča a ti pušiš!"
A Fran će njoj na to:
"A je, Ružo, ča se jadiš? Tr ne pušin na struju!"
I mirno j' pripalil još jedan cigaret.
Ivan Martinčić, 6.a